تولين بكري للمرأة: ” لا تستقوي حالك”

شام تايمز- متابعة

تحدثت الفنانة تولين بكري عن قوة المرأة وحقيقة قدرة تحملها لمسؤوليات الحياة، قائلة: إنه من الضروري لكل امرأة ألا تضحي بكل ما لديها.

ونشرت بكري عبر حسابها الشخصي في “الفيسبوك بوست كتبت فيه: “مرة وحدة حكتلي، ما تستقوي حالك، يعني ما تعملي حالك جدعة وقادرة على كلشي، أنا بعرف إنك قوية وعندك مسؤولية وبنت قد حالها، بس اللي حواليكِ لما بشوفوكِ هيك بيتعودوا وبيعتبروا عطفك وتفهمك وتحملك وقدرتك ومساعدتك صار حق مكتسب وبالآخر رح تضطري تشيلي كلشي لحالك، واللي بتقدميه من باب التطوع والعطاء رح يتحول لواجب ملزم فيكي ويحاسبوكِ إذا قصرتي فيه”.

وتابعت: “بالحقيقة كنت بفكر إنو القوة والجدعنة وقدرة التحمل بتتقدر أكثر من الضعف والاتكال، بس للأسف الحقيقة كانت مختلفة، لما الناس تشوفك قادرة تحملي العبء كلو لحالك وقادرة تحلي أي مشكلة وتتأقلمي مع أي ظرف وقادرة تشيلي فوق كتافك من الإبرة للصاروخ.

وأضافت: “بس الشي المهم الي راح عن بال الكل إنو في للقوة رصيد و هالرصيد إذا تم استهلاكه زيادة عن اللزوم ممكن ينفد”.

ووجهت بكري نصيحة للمرأة بالقول: “مشان هيك ما تستقوي بحالك، خلي جانب فيكي دايماً بحاجة لحدا يسندو، ما تعوديهم إنك الجبل الي ما بهزو ريح”.

يشار إلى أن بكري شاركت مؤخراً في مسلسل “لأنها بلادي”، مع المخرج نجدة أنزور والذي يعرض حالياً على القنوات السورية.

شاهد أيضاً

“ليندا بيطار” توجه رسالة لوالدتها في ميلادها

شام تايمز – متابعة وجهت الفنانة “ليندا بيطار” رسالة لوالدتها بمناسبة عيد ميلادها الذي يصادف …

اترك تعليقاً