كندا حنا لـ رشا شربتجي : “ياريتك حكيتي الموقف متل ما صار”

شام تايمز- متابعة

ردت الفنانة كندا حنا على تصريحات المخرجة رشا شربتجي الأخيرة حول سبب خلافهما قائلة: “المشكلة ليست كما شرحتها رشا “هي ما بيصير تقول أنو ما بتعرف إني كنت حامل أثناء التصوير لأنها كانت بتعرف، تحملت الكثير من عدم التنظيم أثناء تصوير العمل، فرغم حملي ومرضي حجزت الطيران بنفسي لأني طلبت من مدير الإنتاج رضا خباز، أكثر من مرة أن يقوم بذلك، و كل مرة يقلي ما حجزت ومرة يقلي ما لقيت، هو أبداً مانو شخص مهني بالعمل وكان عم يعذب الكل”.

وتابعت حنا حديثها بالقول: “فاتت شربتجي بقلب اللوكيشن ودافعت عن كذبة رضا خباز، و اتهمتني إنو عم اتهكم عليه وكذبوا قدام العالم بلحظتها أنا ما رديت بس غصيت ودموعي كانت ما عم تهدا، موضحةً أنها بالرغم من هيك مارديت وكفيت شغلي وخرجت مع كادر العمل للبحث عن موقع تصوير آخر، وبهذه الأثناء “طلبت من الإنتاج سندويشة لأن بدي آكل لآخد دوا، مر تلت ساعات وما جابوا، فقلتلن حدا يعطيني سندويشة هون، شربتجي قالت: “ستوب عشان كندا عايزة تاكل يلا كلنا نستناكي، فبعد ما انتهينا من التصوير ودعت رشا وطلعت بالسيارة بعتلا مسج لأن ما كنت قدرانة قلا ياها لايف، كتبتلا أنا بعتذر، أنا وياكي بالحياة كتير رح نكون بس قدام كاميرتك معد فيني وقف “.

وأبدت حنا استعدادها لمواجهة شربتجي بحقيقة الموقف قائلة: “إن كلامها مو حقيقي، و لما بدي عبر عن حالي وعن محبتي بعبر صح أو بحكي حقيقة الموقف، مبينة أنها لو عملت هيك يمكن كانت الناس عذرتا وما اضطرتني اطلع و رد عليها، هلق مو مهم على مين الحق المهم انو نطلع نعبر عن حالنا ونحكي الموقف متل ما صار”.

وأكدت حنا أنها ليست بحاجة للعلاقات لتثبت وجودها حيث عملت مع الكثير من المخرجين الذين أحبوها وقدموا لها الدعم.

شاهد أيضاً

“ليندا بيطار” توجه رسالة لوالدتها في ميلادها

شام تايمز – متابعة وجهت الفنانة “ليندا بيطار” رسالة لوالدتها بمناسبة عيد ميلادها الذي يصادف …

اترك تعليقاً