نمس “باب الحارة”: هذا سر انتشار الكورونا في سوريا!

شام تايمز- دمشق

بأسلوب فكاهي وعلى طريقته الخاصة، اختار الفنان مصطفى الخاني ممازحة جمهوره عبر انستغرام، رابطاً ما بين أحداث المسلسل الشهير “باب الحارة” والكورونا، فنال تفاعلاً كبيراً من الجمهور.

حيث كشف الخاني أن أول مريضة بالكورونا كانت في باب الحارة “كورونا و باب الحارة .. بتعرفوا انو أول مريضة كورونا في التاريخ كانت نظمية مرت الادعشري  بباب الحارة، قضت المسلسل كلو حرارتها مرتفعة و بتسعل ومشاكل بالتنفس، وما بتشم ولا بتتذوق الأكل، و بالأخير ماتت ومات الادعشري ومات وراها ابنها، وبعدين بلشوا أهل الحارة يموتوا واحد ورا الثاني وفي منهم اختفوا فجأة
واضطروا القائمين عالمسلسل يبدلوا نص الممثلين”.

وتابع الخاني بربط الأحداث بالحجر الصحي ” وحتى أبو عصام اختفى بالأجزاء ٣، ٤ ، ٥ لأنو عالأغلب كان بالحجر الصحي بإحدى المستشفيات، وكان بوقتها الحجر إلزامي وكانت وزارة الصحة تشتغل بقلب ورب مو متل هلأ ، مشان هيك قدروا يسيطروا عالمرض بسرعة، ويوم شك أبو عصام أنو أم عصام معها كورونا سألها ، فجاوبتو: فشرت … فراح و عمل حجر طوعي بالدكان” .

وتابع نمس باب الحارة قوله: وأبو شهاب الله يرحمو تمّو يحكو عن موتو جزئين ( لأنو كان بالمنفسة بين الحياة والموت ) وبعدين دفنوه بطريقة غريبة لأنو مات بالكورونا  بس أسرة العمل ما كانت حابة تحكي كرامة للعكيد، والنمس غاب نص الجزء الخامس لأنو المسكين حظو معتّر وانعدى بالكورونا

وختم نمس باب الحارة حديثه بالقول: “وغاب النمس كل الجزء السادس و اجى عواضو أخوه الواوي لأنو النمس كان عم يدور عكل حارات الشام ليبخها، و كان عم يبخها حارة حارة وهو عم يغني : يا كورونا وينك وينك … بس المسكين عداهم كلهم عواض ما يشفيهم  فديروا بالكم يوصل لعندكم و حطوا الكمامات وخدوا كل احتياطاتكم استحياطاً مشان ما تنعدوا يا حبايبنا اللزم “.

شاهد أيضاً

محمد هنيدي يعود للمسرح في موسم الرياض

شام تايمز -متابعة يستعد الفنان المصري محمد هنيدي للعودة للمسرح من جديد في الفترة المقبلة …

اترك تعليقاً