الشريط الإخباري

الكاتب أحمد قصار لتيم حسن: ” لا ترتجل” ..ما بتذكر إني كتبتلك “اسبت”

شام تايمز – متابعة
انتقد كاتب مسلسل الهيبة المؤلف أحمد قصار، الممثل تيم حسن موجهاً له رسالة عبر صفحته الشخصية على الفيس بوك قائلاً: “ما بتذكر إني كتبتلك بالنص كلمة “اسبت”، و”ماتهكلو للهم” و”منتهيه”، وإلخ من مفردات نمطك القديم، خلينا نحكي بشكل علمي بما أنو نحن التنين دارسين سوا بنفس المكان ع أيدين نفس الأساتذة”.

وأضاف قصار: “حاولت لما بلشت كتابة، اكسر نمطية الشخصيات بعد ما كانت منمطة كتير، ومستنفذة بالأجزاء الماضية، وكانت عندي الرغبة بتحويل هي الأنماط لشخصيات ومنهم شخصيتك، ليكون عندهم صراع داخلي وبعد نفسي، ما يخلينا نتوقع ردات فعلهن، ويعطيهن تجديد على كل الأصعدة”.

وأشار قصار إلى أن الفنان حسن يشكل عائق على شخصيته “جبل”، وذلك بسبب استخدامه لمفردات النمط القديم، وعلق بالقول: ” كنت موفق بكل التفاصيل على صعيد الشكل وتغيير الأداء الانفعالي، أما إنك تستعار مفردات النمط القديم وتستعملها بالشخصية الجديدة بعد كل هاد الجهد بتحويل الأنماط ، بتكون عم تعمل خلل كبير يا حبيب، لأنك عم بتضر حالك، مشان ما يصير فيك متل غوار، وحسني، وياسينو” .

وخاطب الكاتب حسن: “تاني مرة وقت بدك ترتجل مالح قلك خود أذن، بس رح قلك أستشير قبل ما تعمل هيك شغلات، وكان لازم مدرب الممثلين ينتبه على هاد الشي، بما أنو شخص أكاديمي بس ما بعرف إذا بيقدر يوجهلك ملاحظة، أما بالنسبة لبداية المسلسل بالشارة، كاتبين تيم حسن في “الهيبة ” استاذ تيم حبيبنا “في” بدنا نبطلها ونوزن شوي ما حلوة في عالم كتير عم تشتغل وبتاخد العقل، ومو شغلتها تدور بفلكك”.

واختتم بالقول: “صراعك ضد هدف نبيل لمحاربة صناعة المخدرات، من أسس تحويل شخصيتك، ولو صحلي أقتلك بالمسلسل أنت وعم تحارب لتحقق الهدف، كنت عملتك أحلى بطل تراجيدي، بس ما منقدر هاد باب رزق”.

شاهد أيضاً

محمد حداقي: نحن مجرد “صنايعية” نتعامل مع المهنة كهواية

شام تايمز – متابعة لفت الفنان محمد حداقي إلى أن ابتعاد عن الأعمال المسرحي يعود …

اترك تعليقاً